العداوه حرام
ليه تفضل لسه عادي
يرضي حد تنام
وانا اسهر للسعادي
مهما قولت كلام
فى غرامك لسه عادي
كل ده يا سلام و
انا قلبي حالف
طب والله

ياما رايح جايي
وعيونه دي مغزلاني
قالي صبي الشاي
يا ام العيون غزلاني
فات عنيه جوايا
زي الحرير غزلاني
شوف كسفني ازاي
حمر خدودي
يا ناس والله

ماشيه ما بين الناس
بالنيه والتساهيل
واي والله
ياما دوقونى الناس
احزان كتير وقليل
واي والله
واول ما جانى
العشق فرحنى
وعلمنى اقول مواويل
ويا دنيا نفسى ارتاح
فى قلبي جراح
بطول النيل

كنت لسه بنيه
يابا على الاحلام لاموني
من طياب النيه
قطف الالم لموني
صادنى كالبنيه
ولولا لملمونى
جوز عينيه البنيه
لم قمت تاني
يا ناس والله

حبيت جديد ياناس
لما القديم باعنى
 لبس هدوم السفر
وجانى قال يودعنى
 هو اللى بنا حب
ولا دلع يعنى