على عليوة

على عليوة يالى ضرب الزميرة يالى
وضربها حربى يالى نطت فى قلبى
قلبى رقاص يالى فى بلاد الناس
والناس مجاريحيالى من عكس الريح
والريح هردانة لا تبوح بأمانة
وامانة يا خلى تعشق وتقولى
على قصعة حنة فى جنينة حنا
حنا وزاة عند السلطان يالى
سلطان هبوش ابو زمة فاشوش
السبحة فى ايدة بيعد عبيدة
وعبيدة كتار زنهار زنهار
زنهار افراح يكلو التفاح
والصوف مساكين ضايعين ضايعين
فى الفرح ناسينة يا السلطان
وفى همة داعينا يا السلطان
يسرق ضحكتنا ويبوح غناوينا
غناوينا عزاب من الباب للباب
وعزبنا حنان مش للسلطان
سلطان الشوم سرق الفيوم
وخدوة محتار من الدار للنار
نصبولة الزار نصبولة الزار

اللة يا دايم

اللة يا دايم هوة الدايم ولا دايم غير اللة
اة يا زمان كداب يا زمان فى الحدوتة وفى العنوان
دنيا مظاهر عايشة الظاهر والقفطان هوة السلطان
حطوة الخوصة على الخوصة فوق البوصة المفعوصة
تتقمع تبقى عروسة تتمنظر على خصن البان
واحد حل واحد ضيف نط الحل سأل ضيفة
حظر فظر تقدر كيف تعرف عنتر من خوفة
بات الضيف على حد السيف يتقلب مش عارف كيف
شغل مخةوفرشة وهرشة وفردة ولمة وشمة وقرشة
قولى يا مخ يا صنع الكيف زى ما بين الشتا والصيف
فين الفارق والشتان بين الفارس والسلطان
سنفر مخة وقشرة وبشرة وخربة وظبطة وشالة وخبطة
تعب الضيف من لعب السيف غنى ياعين ويالالى كمان
جالة الهاتف ليلة صيف فوقة مراية وتحتة حصان
ابيض فى ابيض زى الطيف قالة يا غافل يا غلبان
عنتر هوة جراب السيف والسلطان حشو القفطان

تيك تيك

تيك تيك مين تيك تيك مين
تين على موز لاء موز على تين
تين على موز او موز على تين
كلة مغطى القمر الدين
توتة توتة يا تحت التوتة دى الحدوتة والسامعين
جدى يقولى النار لا تخلى لما تولع ناس ظلمين
كان ياما كان فى زمان ومكان كانو تلاتة من التلاتين
جمع شين على زين الدين عملة مأمرة على الباقين
اصل الشلو بيشبة للوة حتى **** الزبالين
بعد ما شالو حطو وغطو نامو وغطو ومش خايفين
قامة قومة فى عز النومة لا خلى كاف ولا شين ولا زين
توتة توتة دى الحدوتة وادى التوتة والسامعين

حادى يا بادى

حادى يا بادى ياظهر النادى فكرك اية
عمك شنطح جالك ينطح تديلة اية
اديلة قطفة ..تديلة قطفة قطفة اية
قطفة ماقطفة فكرة وخاطفة
امال قولى لو انت يا خلى
عمك شنطح جالك ينطح تديلة اية
كان يا ما كان كان دلوقتى ولا زمان
ماهو دلوقتى زى زمان
كانو جماعة فى ارض وسيعة
فيها طبيعة وناسها الصفيا
تروى الصحرى بعرق العافية
الارض الساكتة تبوح بساتين
اللة اللة قمح وياسمين
يا ما شاء اللة
والناس عايشين بما يرضى اللة

حلاقاتك

حلاقاتك برجالاتك حلقة دهب فى وداناتك
يا حنتوسك يا فنتوسك يجعل عمرك قد فلوسك
جاتنى الشمس وطالبة تبوسك خجلة من ضى ابتساماتك
حصنتك ما تشوف الزل بخرتك بخدود الفل
ورقيتك من عين الكل النبى حارسك من عتاراتك
قلعتك حرز لبستك حرز القامطة حرير والصوف ع الشرز
قلعتك طاقة لبستك طاقة وكتبت حجابك على وبر الناقة
يكفيك الشىء والعيا والضيق وسكوت الناس وكلام العين
قلعتك قابة لبستك قابة ابعد يا شطان وتعالى يا شابة
لفية وارقية واسهرى سلية وفى برد اليل ضمية ودفية
قلعتك عافية لبستك عافية ورميت هلاهيلك فى المية الصافية
وغسلت زنوبك وقريت مكتوبك السعد مواعدك والهنا محسوبك
يارب يا ربنا يكبر ويبقى زينا طق الودع سحر وبدع سعد السعود فى ارضنا
تاتا تاتا خط العتب ودوس على كل العتب والى انقرى والى انكتب
واسرح فى نعمة ربنا يارب يا ربنا يكبر ويبقى زينا
خد البشارة يا حسن وافتحلنا الفال الحسن
وابعت على عيونة الوسن نوم العوافى والهنا
نام نام نام نام وادبحلك برجين حمام
واعملك طاجن وبرام واقعدلك سهران ما بنام
واغزلك زعبوط وحرام واخطبلك بنت من الشام
واقطفلك ورد الاحلام واكتبلك ع الورد كلام
حسادك بيتين اليل يتلو على نار الويل
سهرهم ودمعهم سيل شتتهم لو جالك ميل
واتحصن منهم بلخيل وملايكة شايلينك شيل

شروم بروم

شروم بروم حالى غلبان
شروم بروم حالى تعبان
دنيا غرورة وكذابة لكن جميلة وجزابة
مجاريح ونعشقها صبابة ادينا وادى حال الانسان
مجنونة خالص ترارلى بكلمة تعزل وتولى
وفى لحظة تاخد ما تخلى امان امات يالالى امان
دلوعة ماشية بتتغندر بين الامام والشهبندر
والغاوى قاعد يستنظر حب العزيز يطرح رمان
يا حلم يا جناح المساكين يا وعدى من ورد البساتين
ملاين ربيع رايحين جين والكون حزين من غير الوان

طفي النور

طفي النور
طفي النور يا بهيه
طفي النور
كله عساكر دورية

جوزك راجع من سوقه
راكبه الهم وبيسوقه
نطو العسكر من فوقه
دورية ورا دورية

جوزك سارح على غيطه
بيلضم همه في خيطه
ازحوا العسكر على حيطه
يلعبوا عسكر حراميه

خالك راجع من مكة
طلعوا العفاريت في السكة
الف ولاد الجّنية

ولد رايح على عكا
يفتح سكه على سكه
طلعوا عليه سدوا السكة
واتحاصر رايحة وجاية

ايدي النور يا بهيه
كل العسكر حراميه

طنوش

طنوش قالك طناش وما تعصلجلناش
تعملى فيها عنتر دة شىء ما يخصناش
بس البعيد هيتعب وهتبقى حالتة اصعب
خليك من حسب اشعب طنش تاكل بلاش
تنح قفاق وفقم وازرع وشك قوالح
ماطحتش المصالح ما بين خاصم وصالح
دة مافيش خصومة دايمة تفضل ع الوش عايمة
و لا القيامة قايمة الا فى لحظة طناش
غفير وخلتة داية لو مسكوة عصايا
ولبسوة عبايةوحطوة ع المرايا
هيشوف اتخن امير ملعون ابو الفقير
وتسأل ع الاصول يقول ما شفتهاش

عطشان

عطشان يا صبايا درب الهوى صعيب الصحرى مديدة بعيدة
عطشان والمية قريب عطشان عطشان عطشان
الخطوة عزاب ومتاهة والحلم اخضر وعجيب
وانا كل مااقول التوبة ترمينى الماقدير
حبيبى يا نجمة ليلى يا منورى السراديب
مكتوب على كف العاشق روح بلدك يا غريب

موال الصبر

امر من الصبر سؤلانك لغير مولاك
يصفر لونك وقليل ان سمح وعطاك
الندل صاحب قليل البخت واتواعدوا
يمشوا رفاقة بطول العمر ما يباعدوا
وفى الاصيل زى الغمامة بوعدة
والندل غير طريقة والزمن اهوا ساعدة
وبعدة لسة الخيانة سايرةفى الافلاك

يامه مويل الهوي

يامه مويل الهوي
يامه موايليا
طعن الخناجر ولا
حكم الخسيس فيا
الصبر حلم العواجز
يطرح زهور الأماني
والقهر عدى الحواجز
وأنا إللي واقف مكانى
شايف غيطان البشاير
خايف . وكانن إديا
حتى الحمام إللي طاير
ما رضيش يرفرف عليا
يامه مويل الهوي
يامه مويليا
طعن الخناجر ولا
حكم الخسيس فيا

سألت شيخ الطريقه
ما رضيش يجاوب سؤالي
ودارى عني الحقيقه
وفاتني حاير ف حالي
سألت شيخ الأطبا
دوا الجرح إللي بيا
نظر لي
نظره محبه
وقال دوايا بايديا
يامه مويل الهوي
يامه مويليا
طعن الخناجر ولا
حكم الخسيس فيا

يامصر
وإنتي الحبيبة
وإنتي اغترابي وشقايا
وإنتي الجراح الرهيبه
وإنتي إللي
عندك دوايا

علمني حبك عباره
سهله
وبسيطه
وعفيه
شرط المحبه الجسارة
شرع القلوب الوفية
يامه مويل الهوي
يامه مويليا
طعن الخناجر
ولا
حكم الخسيس فيا

الحمام في أوربا .. "يسير" في إطمئنان وقد ضمن طعامه وأمنه لن يفزعه أحد ولن يهدده أحد مرتبة لم نصل إليها نحن بعد اسعد طه

حين يهدى الصبح اشراق سناه
حين يهدى الصبح اشراق سناه
يسكب الطل
يسكب الطل
يسكب الطل رحيقا من نداه
موقذا بالنور اجفان الحياة
موقذا بالنور اجفان الحياة
الضحى من نور من؟
الله
والندى من فيض من؟
الله
الضحى من نور من ؟
الله
والندى من فيض من؟
الله
سبحت لله فى العش الطيور
ترسل الانغام عطرا فى الزهور
سبحت لله فى العش الطيور
ترسل الالحان عطرا فى الزهور
تصنع العش وتسعى فى البكور
تصنع العش وتسعى فى البكور
عيشها فى رزق من؟
الله
وهى ايضا صنع من؟
الله
عيشها فى رزق من ؟؟
الله
وهى ايضا صنع من؟؟
الله

قصدت بابك وغير بابك ماقصدتوش
آدي الباب مفتوح عمري ماقفلتوش
يا سابل الستر استرها ما تفضحاش
ولغيرك إنت أبداً ما تحوجناش
والحق يعلى وإحنا على الحق مانعلاش
يا واخد العهد على عمك ياخويا ماتعلاش
زي اللي قبلنا ما قالوا
العين على الحاجب ما تعلاش
وإذا كنت بتحب حب بس لازم لازم تكون حساس
وفتش على روحك يا حبيبي قبل ما تفتش يا واد ع الناس
وانظر لبيتك ولا تنظرش لبيوت الناس
واللي ما ترضاهشي على روحك ماترضاهشي ياخويا ع الناس
كلام هاقوله يا قلبي ويا ريت يسمعوه الناس
ياما كان ع الدنيا فتواااااات قبلنا يقولم إحنا أحسن ناس
صبحم رمايم ياخويا ويدهوسم عليهم الناس
اسمع كلام ربنا العزيز اللي قاله لجميع الناس
وجنة الخلد هايدخلها من الناس الكاظمين الغيظ والعافين عن الناس

أول ما كتب القلم كتب القلم الله
وكمل السطر بمحمد رسول الله
قال هو حبيبي ومحبوبي هوا خير خلق الله
واللي يصلي ع الحبيب النبي يا فرحته ياهناه
واللي هاتعمله النهاردة بكرة أمام الكريم تلقاه
يا آل بيت النبي أنا هانديكم طمعان في نظرة رضا ليا العشم فيكم
طمعان في نظرة رضا ليا العشم فيكم
أنا ليا أربعة في وقت الضيق بناديهم
سيدنا الحسن والحسين والسيدة والإمام علي أبيهم

سيدنا الحسن والحسين والسيدة والإمام علي أبيهم
من الحبيب النبي أنا ليا العشم فيهم
وإزاي يا سيدنا الحسين وأنا روحي مولانا مولانا
سيدنا الحسين سيدنا الحسين ولي النعم شباب الجنة
أبا العلمين شيخ العرب يا بدوي يا أبو السباع
يا آل البيت يا أهل البيت يااااااا آل البيت
يا آل بيت النبي آه
يا آل بيت النبي أمانة ما تفوتنيش
عايز أنول مطلبي بس ف حماكم أعيش
الناس شافوني بابكي يا سيدي يا عبدالرحيم يا قناوي
قالولي ماتبكيش
أنا قلت أنا بابكي على حالي
يا خلق ماتلومنيش
ضيعت مالي على جرحي وعايز أعيش
وبدل ما ألبس حرير يعجبني لبس الخيش
وبدل ما آكل طيور متنضفة من الريش
آكل بملحي حصى ... وأغمسه بالعيش
يا عيني يا عيني
نزلت بحر الحبيب النبي ولاخفت من الطراطيش
نادى عليا المراكبي وقالي لي ماتعديش
أنا قلت ليه يا حبيبي عديني وخد بقشيش
عايز لجرحي دوا يا أحمد يا بدوي لفيت مابلقيش
قمت اشتكيت الطبيب اللي ماعالجنيش
القاضي شاف شكوتي زعل ومانصفنيش
قال يا جريح الهوى إذا كنت غويت سافر إلى مصر
واشكي لمولانا لسيدنا الحسين حالاً هاتنول آمالك
يا حبيبي وتتهنى مع الدراويش